Vawiin International Youth Day

Vawiin August 12 hi International Youth Day a ni a, he ni pual hian National AIDS Control Organisation (NACO) huaihawtin ram pumah New India 75 Campaign hawn a ni dawn a, Mizoramah pawh Mizoram AIDS Control Society (MSACS) huaihawtin hman a ni ang.

New India 75 Campaign hi kum 2022-a India independence kum 75-na lawm tur puala buatsaih a ni a, state hrang hrangah kalpui tur a ni. Campaign-ah hian sikul leh college zirlaite chu HIV, TB leh thisen pek chungchanga zirtirna neihpui a ni dawn a, Mizoramah chuan sikul 125 leh college 42-te an tel dawn. HIV, TB leh voluntary blood donation chungchangah lemziak, poster siam leh video clip insiamsiakte buatsaih tum a ni.