Swab test nan FIA hmang ṭan

August 10, Thawhlehni khan Mizoramah sample endikna chi khat, Fluore­scent Immunoassay (FIA) hmangin swab sample endik ṭan a ni a, Mizoramin a neih thar leh swab test nan an hman vawi khatna a ni.

Vanglaini zawhna chhángin Covid-19 thu­puangtu Dr Pachuau Lal­malsawma chuan, FIA chu an neih thar a nih thu a sawi a, "Khawpui dangah chuan private-ah an hmang nasa. A rintlak a, minute 15 chhungin test result hriat theih a ni. Hman zui zel chu kan tum a, mahse, tam tham taka tih tum a ni hran lo a, kan hmanraw neih sate tihphuisuina atan a ni," a ti.

Thu dawn danin, Covid-19 swab sample endik nan Aizawlah RT-PCR, TreuNAT, Rapid Antigen Test leh FIA a awm mek a; district dang zawngah TrueNAT leh RAT a awm thung a ni.