MOT leh LTF-te an inkâwm

Medical Operational Team on Covid-19 mem­ber-te chuan nimin khan an chairman Dr ZR Thiam­sanga, MLA hoin Assembly conference hall-ah Aizawl Municipal Corporation (AMC) huam chhunga local task force hruaitute an kâwm a, Covid-19 chungchang an sawipui.

Inkawmhona hi hun hnihah ṭhen a ni a, chawhma lamah AMC ward no. I, II, III, IV leh V-a LTF hruaitute nen inkawm niin, chawhnuah ward no. VI, VII, VIII, IX leh X-a LTF hruaitute nen an inkawm leh a ni. Ward tina LTF aṭangin mi pahnih zel an tel.

Inkawmnaah hian hripui veite swab sample endik nawn (exit test), Covid-19 positive sûlhnu chhui leh hripui vei in lama inenkawl chungchang te, LTF-ten an harsatna tawhte leh Covid-19 do zelna tura rawtnate sawiho a ni.

Vawiin hian MOT chuan a hmun ngaiah session hniha thenin AMC ward XI-XIX huam chhunga LTF hruaitute an kâwm leh ang.