Sialsuk damdawi-in tan ambulance pe

Aizawl South-III bialtu MLA Prof. F Lalnunmawia chuan nimin khan a bial chhunga Sialsuk damdawi-in (PHC)-a hman turin Health & Family Welfare department hnenah ambulance a pe.

Ambulance inhlanna hi Health Services directorate kawtah neih a ni a; Prof. F Lalnunmawia chuan, "Sialsuk PHC-te'n ambulance an neih lai a hlui tawh avangin a tlân hleithei tawh lo a, Covid-19 lèn lai a nih avangin ambulance mamawhna a sang a, ambulance thar hi Sialsuk leh a chhehvel khuate'n ṭangkai taka an hman ka beisei," a ti.

Aizawl South-III MLA hian ambulance chahbi chu Health principal director Dr F Lallianhlira hnenah a hlan a, Sialsuk PHC medical officer Dr HJ Lalnunpuia pawh a tel. Ambulance hi nimin khan Sialsuk PHC-ah dah nghal a ni.