Lungleia RT-PCR bun dan tur vawiinah ngaihtuah dawn

Mizoram sorkarin Gauhati High Court, Aizawl Bench thu anga Lungleia RT-PCR bun a nih theihna atana hma latu tur committee a din chu vawiin hian Tourist Lodge, Lungleiah an ṭhukhawm dawn.

Vanglaini thudawn danin, committee member Aizawla awmte chuan vawiin hian Lunglei an pan dawn a, chawhnu dar 1-ah Lungleia committee member-te nen RT-PCR bun dan tur ngaihtuahin an ṭhukhawm dawn. A ṭul angin RT-PCR bunna tur hmun an enfiah nghal ang.

Committee-ah hian chairman chu Health & Family Welfare Principal Director a ni a, member secretary chu Hospital & Medical Education Director a ni. Member-te chu - Lunglei Civil Hospital Medical Superintendent, Lunglei Sub-Hqrs. YMA President leh Lunglei Ṭhalai Pawl Chief Organiser-te an ni.

Committee hi August 9, 2021 khan din a ni a, din a nih aṭanga ni sarih chhunga Tourist Lodge, Lunglei leh in dang awm sa, RT-PCR laboratory din theihna tur enfiah tura tih an ni a; sorkarin RT-PCR laboratory tur in a buaipui mek peih a nih hmaa laboratory din lailâwkna tura tih a ni.