Independence Day vawi 75-na

Naktuk August 15 hi India Independence Day vawi 75-na a ni a, India ram pumah lawm tur niin, Mizoramah pawh lawm a ni dawn.

Mizorama I-Day lawmna pui ber, Aizawlah chuan Lammualah lawm tur niin, zing dar 7-ah ṭan a ni dawn a, chief minister Zoramthanga’n hnam puanzar a pawt pharhin thuchah a sawi ang.

Covid-19 léng avangin kumina I-Day lawmnaah hian mipui tel theih a ni dawn lo a; Aizawlah chuan sorkar official pawh joint secretary chin chung lamte chauh tel tura tih an nih bakah, parade contingent a awm dawn lo. District dangah pawh tel tur chin mi tlemte ruahman a ni. Aizawla I-Day lawmna hi LPS Vision, ZONET Cable TV leh All India Radio-ahte live-a pek chhuah a ni ang.