Hripui vangin pakhat thih belh

Covid-19 vei enkawl lai VL Dawma (64) h/o , Lawngtlai Bazar Veng chu August 12, Ningani zan dar 8 khan State Referral Hospital (ZMC)-ah a thi a; sorkar chhinchhiah angin, Mizorama hripui vanga thi 174-na a ni.

VL Dawma hi Covid-19 positive a ni tih July 21, 2021 khan hmuh chhuah a ni a, July 27 aṭangin SRH-ZMC-ah enkawl a ni tih sorkar thuchhuakin tarlang. Amah hi kum 15 vel kal taa kal (kidney) thlâk tawh a nih bakah, thisen sang leh zunthlum nei a ni a; kohhran upa a nih avangin nimin chawhma dar 11 khan BCM Lawngtlai Bazar Veng kohhran biak-inah vui a ni tih Lawngtlaia MJA member-te chuan an sawi.