Power hnianghnar nei turin sorkarin Theihtawp a chhuah - TJ Lalnuntluanga
Nimin khan minister of state TJ Lalnuntluanga chuan Champhai Press Club-ah thuthar thehdarhtute kawmin, electric power hnianghnar nei turin sorkarin theihtawp a chhuah mek zel thu a sawi.
TJ Lalnuntluanga hian nimin khan khawchhak tlangdung power pekna tihchangtlung kawnga ṭul angte a hmunah kalin a enfiah a, 132 kV Sub-Station Khawzawl tlawhin district thuneitute leh PE department hotute nen hmalakna hrang hrangte an enfiah hnuah Champhai Press Club-ah thuthar thehdarhtute a kawm a ni.
Zuangtui aṭanga lokal 132 kV line hman mek bakah, Khawzawl to Champhai 132 kV line belhchhahna tur hrui thar thlun tum a nih thu sawiin TJ Lalnuntluanga chuan, "32 kV line Serchhip to Khawzawl via East Lungdar hmalakna thawh mek a ni. Serchhip to East Lungdar zawh tawh a nih bakah, East Lungdar to Khawzawl inkar siam hna thawh mek a ni," a ti.
Minister chuan chanchinbumite chu eng hnianghnar leh changtlung nei tura PE department hmalaknate mipui hnena puanzar leh hrilhhriat kawngah theihtawp chhuah turin a sawm.