Thlai leh sa man enfiah

Aizawla sa leh thlai mante enfiah tura din Price Monitoring Team chuan August 12, Ningani khan Aizawla bazar hrang hrang fangin, sorkarin thlai leh sa man a bithliah zawm a nih leh nih loh an enfiah.

Sorkar thuchhuah tarlan danin, bazarah hian a tlangpuiin anhnah, thlai leh sa zuarte'n sorkar rate siam an zâwm ṭha a, zawm harsa bik erawh a awm. Ar puah sa zuartute chuan an lâkna rate a san chhoh avangin sorkar rate siam, kg. khatah Rs. 300 aia to loa zawrh chu harsa an ti a; sangha zuartute pawhin a pum lianah sorkar rate siam an zawm ṭhat laiin, phai leh dil sangha pakhat kg. hnih hnuai lamah erawh chuan sorkar rate siam an zâwm vak lo thung. Chawhmeh ṭhenkhat man bithliah pawh ennawn ngai a awma hriat a ni.