Partial lockdown chhunzawm

Mizoram sorkar chuan Covid-19 laka invênna atan AMC huam chhungah August 15-21, 2021 chhung partial lockdown kalpui turin a rêl a; August 14, Inrinni khan inkaihhruaina tihchhuah a ni. District dangah chuan DC-te'n an district dinhmun azirin inkaihhruaina an siam dawn.

Partial lockdown atana inkaihhruaina tihchhuah thar chu August 8-15 chhung atana kaihhruaina siam nen a inang tlangpui a, zan lama curfew kalpui zel a ni dawn.

Aizawl khawpui páwn lam, Covid-19 vei awm lohnaah chuan sikul kai theih tura tih zui a ni a, sikul bakah, anganwadi pawh hawn theih a ni bawk.

Sikul leh anganwadi hawn leh hawn loh chungchangah hian DC leh village task force-te'n ruahmanna an siam dawn a ni.