Khawvela khawpui hausa ber New York : Paris chungah Mumbai

New World Wealth (NWW) report-in a tarlan dan chuan New York chu khawvela khawpui hausa ber a ni. Hetih lai hian India financial capital an tih Mumbai chu 12-na niin, France khawpui Paris chu 15-na a ni.

NWW chuan tun hnai khan report hi an tichhuak a, New York khawpui hausakna hi US Dollar tluklehdingawn thum ($tld 3) anga chhut a ni. London chu pahnihna niin, a hlutna hi $tld 2.7 a ni. Japan khawpui Tokyo chu Asia

aṭanga top 3-a lang awm chhun niin, a hlutna hi $tld 2.5 a ni. Tokyo hi San Francisco Bay area, China khawpui Beijing, Shanghai, Los Angeles, Hong Kong, Sydney, Singapore leh Chicago-ten an dawt a ni. Top 10-ah hian US leh China khawpuite an lang tam ber.

Mumbai chu India khawpui zinga hlu ber niin, a hlutna hi $mtd 944 a tling. Mumbai hnuaih hian Canada khawpui pakhat Toronto chu awmin, Frankfurt leh Paris-ten an dawt. Top 15-a lang zingah Paris hi khawvela khawpui lar leh khulzin hip ber pakhat niin, lar pawh a lar vet vet hle.

Khawpui hausakna tehnaah hian sorkar fund chhut tel a ni lo. Mumbai hi mihring cheng zinga billionaire tam lamah pawh top 10-ah a lang phak a, mi 28 zet an awm. Kum 10 lo la awm leh turah chuan khawvela khawpui hausa ber pawl a nih phak beisei a ni a, khawpui ṭangchak ber zinga mi a ni mek bawk.