Britney Spears-i'n award dawng dawn
Kum tina sem ṭhin GLAAD Media Award chu sem a ni leh dawn ta a, he hunah hian Britney Spears chu chawimawina hlan a ni dawn.
Los Angeles khawpuiah April thla khian GLAAD Media Award 2018 hi sem a ni dawn a, award dawng thei turte pawh puan an ni tawh. American singer Britney hi rahbi tleute tana thawktu LGBTQ tana a thawhhlawk avangin chawimawi a ni dawn a, Vanguard Award hlan a ni ang. He award hi nikum khan American actress Patricia Arquette henah hlan a ni a, hemi hma hian Demi Lovato, Janet Jackson leh Jennifer Lopez -te pawhin an lo dawng tawh a ni.
GLAAD CEO Sarah Kate Ellis chuan, "Britney Spears hian he chawimawina dawn hi a phu a, midangte tana inpekna hi a entawn tlak a ni" tiin a fak. Britney hian music khawvela a larna chu midangte ṭanpuina atan a hmangṭangkai thiam hle niin a sawi bawk. Award dawng thei tura chawpchhuah zingah hian zaithiam lar Miley Cyrus, Halsey, Kesha, Sam Smith leh St Vincent-te pawh an tel a ni. Award ceremony hi ṭum hnih buatsaih a ni dawn a,
April 12 khian Los Angeles-ah sem phawt a ni ang a, May 5 khian New York-ah sem a ni leh dawn bawk.