Lirthei intlân chhâwk dan tur siam

Aizawl Traffic SP Rodingliana Chawngthu chuan Covid-19 léng mek laka mipui him zawk nan Aizawl khawpuia August 15-21, 2021 chhunga lirthei intlân chhâwk dan tur a tichhuak.

Traffic SP tarlan danin, lirthei intlân chhâwk hian zing dar 9:30 hma lam leh tlai dar 5 hnu (curfew hun chhung tel loin) a huam lo a, curfew hun chhung, zan dar 7 aṭanga a tuk zing dar 4 inkarah phalna nei lote chu lirtheia an tlân chhuah phal a ni lo. Pathianniah chuan phalna nei lo lirtheite tlân phal a ni lo bawk.

Dam lohna thil, chhiatna leh hna ṭul bik thilah chuan m-PASS traffic kaltlangin Traffic SP hnenah emaw, Aizawl DC-ah emaw dil theih a ni.

Lirthei tlân danin a huam lohte
- Governor, Chief Minister leh Speaker-te (an carcade tiamin)
- Gauhati High Court judge te, Court-a thawk, court hnuaia practising advocate office kal turte
- Home department (Police, Fire & Emergency Services, MRHGCD, Prisons, FSL)
- Excise & Narcotics duty
- Medical & hospital duty, ambulance/morgue van
- Executive magistrate
- Law & order duty leh emergency duty
- Disaster Management hnuaia emergency duty
- Print & electronic media-a thawkte
- PHE/PWD/PE department-a operation leh maintenance duty
- Sipai leh para-military force
- Sorkar department/office despatch rider
- Sahuan duty
- ATM service
- AMC hnuaia bawlhhlawh paih motor
- LTF/VTF duty (duty ID nei)
- Rualbanlote tana special vehicle, kohhran hminga lirthei register
- Bawnghnute sem
- Chanchinbu sem
- Passenger phur maxicab service Aizawl aṭanga chhuak leh khaw dang aṭanga lut