Aizawlah International Literature Festival

ICFAI University, Mizoram chuan, nimin khan an hmunah International Literature Festival an buatsaih a, Norway aṭanga lo kal Dr Easterine Kire-i'n a hmanpui.

Dr Easterine Kire chuan, Mizo pi leh pute mi mâwl an nih loh thu sawiin, "Thiamna chi hrang hrang nei an ni. Kan pi leh pute hun liam tawh kha kan zir chian a ṭul. A ram mite'n a hlutna kan hmuh thiam loh chuan mi dangin min rawn hai chhuahsak mai ang tih a hlauhawm a ni," a ti.

Khualzahawm Prof. Laltluangliana Khiangte, MZU Mizo department-a HoD chuan, Mizo thu leh hlate chawisan a ṭulzia leh literature festival neih zel a ṭul thu a sawi.

Festival-ah hian mithiam hrang hrangte'n thupui hrang hrang hmanga paper an buatsaihte zirho a ni.