Rajya Sabha MP inthlana INC candidate Lallianchhunga

Congress party chuan June 19, 2020-a Member of Parliament (Rajya Sabha) thlan tura Indian National Congress (INC) candidate tur an thlâk a, an candidate tur chu Dr Lallianchhunga, Zonuam, Aizawl a nih thu June 6, Inrinni khan an puang.

May 22, 1976-a piang Dr Lallianchhunga hi MPCC Media department-ah chairman niin, party thupuangtu a ni mek a, Mizoram University-a Political Science department-ah associate professor a ni. Ram/khawtlang rorelnaa inthlanah a hmain andidate a la ni ngai lo. Congress party hian MP inthlana an candidate tur chu PC Zoram Sangliana a nih thu June 5 khan an lo puang tawh a, June 6-ah Lallianchhunga a nih zawk thu an puang leh nghal a ni.