Airgun chungchang sawiho

Nimin khan Lunglei additional DC Benjamin Lalzama hoin, a pisaah Lunglei district-a airgun kawl leh hman dan tur sawiho a ni a; airgun kawl leh hman chungchang mumal taka kalpui a nih theih nan mipui hnena zirtirna tam zawk pek an rêl.

Meeting-a tarlan danin, Home department thuchhuak angin, Arms Rules, 2016 hnuaiah airgun chu silai taka ngaih a ni a, chuvang chuan Lunglei District Magistrate-in airgun nei zawng zawngte sorkara inhriattir vek turin thuchhuah a siam. DC thupek bawhzui hian Lunglei district-ah mi 151 an inhriattir tawh a, la inhriattir lo tan DC Office Arms Branch-ah inhriattir theih a ni.

Sorkarin airgun-te chu silai taka a pawm avang hian a kah nat dan azirin licence siamtir a ni dawn a; airgun 2.2 leh 1.77-te chu silai tak anga pawm a ni. Phalna nei loa airgun zuarte chu zuar tawh lo tura hriattir an ni bawk.