Aizawlah duty an tlem tawh

Sorkarin inkharkhipna a kalpui mek danah Aizawl khaw­puiah zan lam curfew hunlai leh Pa­thianniah duty an tlem tawh hle a, local level task force duty hmuh tur an awm tawh meuh lo a, hmun lûn deuhlaiah lo chuan police duty pawh an tlem tawh hle.

Zan lama curfew hun chhung, dar 7:30 hnu lama Vanglaini palaiin Aizawl khaw­pui a en kualnaah chuan kawngpui lûnlaia kawn lian deuhah police duty pahnih pathum hmuh tur awmna a awm zauh zauh a, tlawmngaih chhuaha mahni veng chhung veng tura task force duty chu hmuh tur an awm tawh lo.

Pathianniah curfew puan a ni chungin nimin khan khawlai hmun ṭhenkhatah mi veivak hmuh tur an awm reng a, naupang infiam leh thirsakawr khalhte hmuh tur awmin police duty hmuh tur an awm mang lo.

Vanglaini palaiin nimina Aizawl khawpui kawngpui a fan kualnaah hmun pawimawh deuhlaiah traffic police duty an awm zauh zauh a, police duty an hmu lo a; mipui veivak hmuh tur an awm nual thung a ni.