Pipe puak vanga tui pûtin harsatna siam

February 17, Inrinni zing dar 6 pelh hret khan Dawrpuiah tui pipe a puak a, nasa takin tui a put chhuak a, Aizawl New Market huam chhunga chawhmeh zuar mi eng emaw zatin harsatna an tawh phah.

Pipe puak keh vanga tui puh chhuah chhung hi darkar chanve vel a ni a, tui hian bawlhhlawh leh lei nawi tam tak a len bakah, chawhmeh zawrhte pawh a len a ni. Tui pipe puak vanga thlai/thei leh thil dang chhia chu Rs. 20,000 man vel niin an sawi.

PHE department hotute chuan, tui pipe puah keh vanga bazara chawhmeh leh thil dang zuarte nasa taka an buai leh an thil zawrh tuiin a tichhia chu pawi an tih thu an sawi a, ngaihdam an dil a ni.

PHE SE Lalrothanga chuan, pipe keh hi Aizawl hmar lam chaâmtu pipe, inchi 14 hawlh tlang (diameter)-a lian a ni a, a kehna hmuh chu Dawrpui biak-in kawt, Floria Hotel epah a ni. Pipe keh hi PHE hotute'n an enfiah nghal a; Inrinni zan khan siamṭhat hna thawk ṭanin, pipe an thlak dawn a, hna an thawh zawh hma chuan an thawk chhunzawm dawn a ni.