Mizoram sorkarin ILP pek a phal

Home department chuan June 6, Inrinni khan hriattirna (notification) chhuahin, Home department-in Mizoram state páwn aṭanga Mizoram luh phalna a lo pek tawhte hnena temporary Inner Line Permit (ILP) pe theitu tur a tarlang.

Notification-a a lan danin, tem­porary ILP rei zawng leh pekna chhante chu August 13, 2014-a Home department-in a tihchhuah tawh 'Guidelines for the enforcement of the Inner Line Regulation in Mizoram' leh April 27, 2015-a notification-in a tarlang ang a ni a; chutih laiin, online-a temporary ILP dilna chu khâr chhunzawm a la ni thung. DC-te'n temporary ILP pawhsei emaw, ILP pangngai/temporary stay permit emaw chu pek theih chin tarlante hnenah chauh an chàm rei dan tur azirin an pe thei a ni.

He ruahmanna hi thu leh awm hma chuan hman nghal tur a ni a, fee chawi tur chu Notification no.F.22018/l/2020-HM(ILP) dated 04.02.2020-in a ruahman anga lak tur a ni.

1.    Resident Commissioner, New Delhi

2.    Joint Resident Commissioner, Kolkata

3.    Deputy Resident Commissioner, Guwahati/Mumbai/Shillong/Silchar

4.    Sub-Divisional Officer (Civil), Vairengte

5.    Sub-Deputy Commissioner, Bairabi

6.    Deputy Superintendent of Police (Security), Lengpui Airport

7.    Officer-in-Charge, Kanhmun Police Station