Road Safety Week-ah Lirthei 120 man

Road Safety Week puala Traffic police-in inngaihdamna tel loa lirthei endikna, No Tolerance Drive an kalpui mekah February 17, Inrinni thleng khan dan bawhchhia mi 120 an man a; chu'ng mite sum chawi tlingkhawm chu Rs. 19,400 a ni.

Traffic hotute sawi danin, No Tolerance Drive-ah hian lirthei khalhtute chu driving licence leh motor document-te an neih leh neih loh an enfiah a, dan zâwm famkim lote chu manin, pawisa an chawitir ṭhin.

No Tolerance Drive-ah hian Aizawl khawpui chhung hmun hrang hrangah a inchhawkin traffic police-te an duty a, mobile checking neih ṭhin a ni bawk. Thawktu indaih tawk loh vangin lirthei zawng zawng an endik hman lo a, lirthei ke hnih nei chi chauh an enfiah a ni.

Road Safety Week hi February 12, 2018 khan Mizoram pumah hman ṭan a ni a, nimin khan a tawp a ni.