Duhoma'n ZPM Legislature Party-a tel a tum thu a sawi

Serchhip bial MLA by-election-a Zoram Peoples' Movement (ZPM) ticket-a thlan tlin Lalduhoma chuan Assembly-a legislature party zingah Zo Peoples Movement Legislature Party (ZLP)-ah tel a tum.

Vanglaini palai thu dawn danin, Lalduhoma hian ZLP zawm turin thutlukna a siam a, a dil angin ZPM pawhin an phalsak tawh a, Assembly Speaker pawmpuina a nghak mek. Speaker-in a pawm chuan ZLP-ah leader a ni dawn a, leader ni lai Vanlalhlana chu deputy leader a ni ang.

Tarlan tawh angin, ZPM aṭanga indepen­dent-a MLA atana thlan tlin mi pasarihte chuan ZPM Legislature Party an din a, a hnuah Speaker-in rem a tih tâk loh avangin ZLP din leh a ni. Lalduhoma hi ZLP-ah leader a ni ṭhin a, MLA aṭanga bàn a nih hnuah Vanlalhlana chu leader a ni.