COVID-19: Mizoram dinhmun : Hripui vei 639 hmuh belh a ni

August 16, Thawhṭanni khan Mizoramah Covid-19 vei mi 639 hmuh chhuah a ni a, August thla kal mek chhungin mi 10,426 hmuh chhuah a ni tawh. Nimin khan hripui laka fihlim tawh mi 702 chhuahtir an ni a, hripui vanga thi an awm lo.

Covid-19 vei hmuh tharte chu mipa 309 leh hmeichhia 330 an ni a; ZMC laboratory-a hmuh chhuah 134, TrueNAT hmanga hmuh 18, RAT hmanga hmuh 486 leh Fluorescent Immu­noassay (FIA) hmanga hmuh pakhat an ni.

Hripui vei hmuh thar mi 639-te chu symptom nei 317 leh nei lo 322 an ni a; tualchhunga kái 638 leh tun hnaia state páwn aṭanga rawn lut pakhat niin, tualchhunga kái zingah kàina chin hriat loh mi 303 an awm.

IDSP record angin, Mizoramah Covid-19 vei 49,350 hmuh chhuah a ni tawh a, mipa 25,578 leh hmeichhia 23,772 an ni. Nimin tlai dar 5 thleng khan mi 40,358 (81.78%) chhuahtir an ni tawh a, mi 184 (0.37%) thi tawhin, enkawl mek mi 8,808 (17.85%) an awm. August 16, Thawhṭannia sample endik dan chu - ZMC laboratory-ah Aizawl district-a mi 1,452, TrueNAT hmangin district 10-ah 395, RAT hmangin district 11-ah 8,356 leh FIA hmangin Aizawlah pasarih a ni a, a vaiin sample 10,210 niin, chu'ng aṭanga hripui vei hmuh chhuah 639 chu 6.25% a ni. Positive percentage hi ZMC-ah 9.22, TrueNAT-ah 4.55, RAT-ah 5.81 leh FIA-ah 14.28% a ni.

District hrang hranga hripui vei hmuh chhuah dan chu - Aizawlah mi 399, Kolasib-ah 97, Lawngtlaiah 36, Mamitah 32, Lungleiah 25, Siaha leh Champhaiah 15 ve ve, Hnahthialah 11, Serchhipah pariat leh Saitualah pakhat a ni a; Aizawla veng 60 leh khua/hmun dang 42-a mite niin, Kolasib-a veng 10, Lawngtlaia veng pariat leh Lungleia veng paruka mite an tel.
Hripui vei hmuh chhuah thar mi 639 zingah nausen kum khat tling lo pahnih chiah an awm a, thla khat mi leh ni nga mi pakhat ve ve an ni a; a upa ber chu kum 81 mi a ni. August thlaa ni 16 chhungin Mizoramah Covid-19 vei mi 10,426 hmuh chhuah a ni tawh a, chawhrualin ni tin mi 651.63 hmuh chhuah an awm ang a ni. Mizorama Covid-19 vei hmuh tawh zat 49,350 chu kum 2011 chhiarpui angin, Mizorama mi 1,000 zelah hripui vei mi 45 an awm ang a ni.

Nimin khan tlai dar 5 thlengin hripui laka fihlim tawh mi 702 chhuahtir an ni a; Aizawl district-ah mi 542, Mamit district-ah 97, Kolasib district-ah 26, Lawngtlai district-ah 23, Champhai district-ah 13 leh Saitual district-ah pakhat an chhuak. Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 12,059 hmuh chhuah a ni tawh a, TrueNAT-PCR hmangin 2,865, RAT hmangin 34,391, FIA hmangin 34 leh Guwahati-ah pakhat hmuh chhuah a ni tawh.

IDSP tarlan danin, August 16, 2021 thlengin Mizoramah swab sample 7,45,238 endik a ni tawh a, chu'ng aṭanga Covid-19 vei hmuh tawh zat 49,350 chu 6.62% a ni. Hripui vei hmuh tawh zinga mi 45,077 chu Mizoram chhunga kái chhâwng an ni a, mi 4,273 chu Mizoram páwn aṭanga an rawn luh hnua hmuh chhuah an ni.