Pianphunga rualbanlote ID siam dan zirtir

Lungleng Hnahthial-a Zofa Runah nimin khan Hnahthial District Hospital-a thawktute Unique Disability ID (UDID) - Pianphunga rualbanlote tana ID card siamdan thar zirtir an ni.

Training hi Hnahthial Hospital MO Dr Lalrengpuii Ralte-in kaihruaiin, Social Welfare & Tribal Affairs state coordinator F Vanlalruata chuan pianphunga rualbanlote ID card siam dan a zirtir.

He ID card thar hi rualbanlo zawng zawng ten neih vek tur a nih tawh dawn avangin, pianphunga rualbanlo ID card la nei lo zawng zawngten siam tir vek tur a ni dawn a ni.

Certificate la nei loten district hospital-ah kalin disability certificate an la ang a, chumi hmang chuan doctor-ten lo en in, disability certificate an lo siam anga. Chu certificate hmang chuan hospital staff-te'n he ID card hi an lo siam sak leh dawn a ni.

UDID kalpuina tur hian computer set khat, printer, laminator leh a dang hrang hrangte hospital hotute hnenah hlan nghal a ni.