KHAWTHLIR

PRISM-in MLA puh
PRISM party chuan Dampa bialtu MLA Lalrobiaka chu a bial chhunga a campaign-naa sorkar hnathawkte hruaiah an puh a; dan kalh a nih avangin PRISM party chuan Chief Secretary hnenah hma la tura ngenna an thlen tih an tarlang. PRISM chuan, MLA Lalrobiaka hian February 13-17, 2018 chhung khan a bial a fang a, MLA inthlan lo awm tur atan a campaign niin an tarlang a, "A campaign-naah hian official pasa­rihin an zui a. Dan ding laiah chuan official-te hi political campaign leh activity-a an inhnamhnawih theih loh avangin, dan bawhchhiatna chungchanga hma la tur hian Chief Secretary kan ngen a ni," an ti.

Thubuai siamsak
Anti Corruption Bureau (ACB) chuan, Champhai PHE superintendent engineer Lalrammawia chu sorkar sum Rs. 9,85,040 tihchingpen chungchangah thubuai a siamsak. Lalrammawia hi Landslide Committee-a member secretary a ni a, he a nihna hmang hian sum a tichingpenah puh a ni.

Chapchar Kût
Mamit District Chapchar Kut Organising Committee chu nimin khan DC Lalbiaksangi hoin DC conference hall-ah an ṭhukhawm a; Chapchar Kûtah mi zawng zawng sawm ni se, an ti a, tel turte chu Mizo hnam ziaráng lang thei tura inthuam vek tura tih a ni. Hlawhtling taka Chapchar Kût hman a nih theih nan mawhphurhna leh chanvo hrang hrang inpek nghal a ni.

Thilpek hlan
225 Battalion CRPF chuan tun hnai khan Saiphai khuaa V/C House, anganwadi, YMA primary school, dispensary, EFCI leh Mauchar khuaa anganwadi centre pathum, EFCI, Evangelical English Medium School hnenah Civic Action Programme hnuaiah water filter, white board, solar light, tui dahkhawlna tanky, naupang lawm thil hrang hrang, volleyball football leh carrom board an pe.