Shillong-a Zo hnahthakte'n harsatna an tâwk - Prof. JV Hluna

Mizoram BJP president Prof. JV Hluna chuan nimin khan an pisaah thuthar thehdarhtute a kâwm a; Congress sorkar hnuaiah Shillong-a Zo hnahthlakte'n harsatna an tawk niin a sawi.

Prof. JV Hluna chuan, Shillong-a Mizo chengte'n in hmun an neih pawhinin chei ṭhat leh sak belh an thei lo tih sawiin, "Tun hnaia Meghalaya kan tlawh ṭumin Zo hnahthlak pawl hrang hrang - YMA, Hmar Inpui, Kuki Council hruaitute he lai biala BJP MLA candidate hmuhpuiin harsatna an neih hrang hrangte an thlen a, a tling emaw tling lo emaw, puih a tum a ni," a ti.

Meghalaya-ah hian BJP leh Christianity booklet, Mizoram BJP siam an sem thu sawiin JV Hluna chuan, "Ṭawng hrang hranga lehlin turin buatsaih nghal a ni," a ti a; Meghalaya-ah hian BJP kaihhruai sorkar a ding ngei dawna a lan thu sawi.

Prof. JV Hluna chuan, Tripura-ah pawh campaign-a an kal thu sawiin, "Communist party kum 25 sorkarna lo chelh tawhna hmunah Kristian leh tribal vote bank-te nasa taka ṭhiah a ni. Tripura chief minister Manik Sarkar, ràl aṭanga kan lo hriat dan tam tak hi a dik lo hle mai tih a hmuna chengte khawsak hniamzia aṭang­in a lang," a ti a; Tripura-a minister-te'n an eiru nasa niin a sawi bawk.