Zirna ṭan hun ngaihtuah nawn turin sorkar ngen

Congress party chuan nimin khan thuchhuah siamin, Mizoram sorkarin sikul leh college ṭan hun tura a ruahman chu a la hmaa an ngaih thu an tarlang a, ngaihtuah nawn leh turin sorkar an ngen.

MPCC thuchhuah chuan, June 5, 2020-a Congress Legislature Party (CLP) member-te leh MPCC Political Affairs Committee (PAC)-te ṭhukhawmin Mizorama zirna-in hawn hun tura ruahman chu a sawiho tih an tarlang a, "July 15 aṭanga sikul hawn leh July 13 aṭanga college hawn ṭan tum chu Mizoram hun tawn mek thlirin a la hun rih lo hleah kan ngai a, Covid-19 hri vei thar Mizoramah a pun zel avangin zirlaite leh zirtirtute hmakhua thlir chunga ruahmanna ṭha zawk siam tum turin Mizoram sorkar kan ngen a ni," an ti.