Taxi driver-te'n kawng thawm ṭha

Govt. Complex Taxi Welfare member-te chuan nimin khan Luangmual Chhangurkawn leh Govt. Complex veng panna kawngpui chhe zual laite thawm ṭhain an hnatlang a, mi 60 chuang an thawk chhuak.

Chhangurkawn leh Govt. Complex inkar kawng hi kum 2005-ah NBCC-in an zauha an siamṭhat hnua kum 12 a ral hnuah April 2017 khan siam ṭhat leh a ni a; kum khat pawh a liam leh hmain tunah chuan kawngpui chu a chhe leh tawh hle a, lirthei tan tlan harsa khawpin a chhe tawh niin an sawi.

Govt. Complex Taxi Wel­fare-te'n kawng an thawm ṭhatna atan hian an welfare fund Rs. 5,000 chuang an hmang a; bialtu MLA K Sangṭhuama pawhin a hmunah a tlawh a, Rs. 1,000 a thawh a ni.