Chite lui humhalh kawnga hmalakna sawiho

Save Chite Lui Executive Com­mittee chu February 19, Thawhṭanni khan an chairman Lalmalsawma, chief secretary hoin CS conference hall-ah an ṭhukhawm a, hmalak dan turte an sawiho.

Meeting-ah hian Chite Lui Action Plan Phase–I hnuaia hmalak tawhna leh hmachhawp la awmte thlirho a ni. Action Plan Phase-I hi Chite lui pawimawhna bakah, chhanchhuah leh humhalh a ṭulna mipuite hnena hriattirna (public awareness component) a ni a, Phase-I a tih tur hmachhawp la awmte bawhzui dan tur an rêl a ni.

Meeting chuan, Chite Lui Com­prehensive Plan of Action Phase-II pawh duan zui nghal ni se, an ti. Phase-II ah hian Chite lui chhan­chhuak tur leh humhalh tura zau zawka hmalak dan tur te, lui humhalhna tura a lui dunga hna thawh dan tur te, department hrang hrangte nena thawhho dan tur te, sorkar laipui aṭanga sum zawn dan turte leh, Chite lui de­tailed survey neih dan turte pawh khung tel a ni dawn.

Governor-in Mizo mipuite hnenah 2017 Krismas thilpekah Chite lui fai leh thianghlim zawk pe hman ngei tura a ngenna pawh tihhlawhtlin a nih thu meeting-ah hian sawi lan a ni.