NLUP vawkte a thi nasa - PRISM

PRISM party chuan thuchhuah siamin, NLUP hnuaia vawk vulh thlangtute hnena tun hnaia vawk note semte chu a dawngtute'n an dawn tûk maiah kawṭhalo vangin a thi ṭan nghal niin an tarlang a, "Vawk thi leh damlote hi tun thlengin sorkarin a la ngaihsak lo," an ti.

PRISM chuan, Hachhek biala Serhmun khuaah February 9, 2018 khan NLUP hnuaia AH&Vety department-in chhungkaw 20 hnenah vawk notê an sem tih sawiin, "Chhungkaw 20 zinga chhungkaw 15-te vawk chu a thi mek zel a, chhungkaw ṭhenkhat vawkte phei chuan an dawn zawng zawng thi vek pawh a awm. Vawk notête hi sem a nih tûk aṭanga thi ṭanin, tun thlengin 38 a thi tawh," an ti a; vawk 32 chu thi mai thei dinhmunah an awm mek niin an sawi.

Siaha district-a Palak bial chhunga Saikao khuaah pawh February 16, 2018-a vawkte an sem chu February 17 aṭangin kawṭhalo vangin an thi nghal niin PRISM chuan an sawi bawk.