Gas man bithliah thar

Food, Civil Supplies & Consumer Affairs department chuan, Indian Oil Corporation-in eirawngbawlna gas man a bithliah thar avangin Mizorama hman turin gas man a bithliah thar a; June 1, 2020 aṭang khan hman ṭan a ni.

Gas man tharah chuan, domestics cylinder (kg. 14.2) pakhat man chu Vairengteah Rs. 725 a ni a, hmun dang zawngah Rs. 733.25 a ni. Commercial cylinder (kg. 19) chu Vairengteah búr khat Rs. 1,422 a ni a, hmun dang zawngah Rs. 1,445 a ni.

Gas chu home delivery-a hralh a nih chuan a man pangngai bakah Rs. 70 belh tur niin, point delivery-a sem a nih chuan Rs. 7.53 belh tur a ni a, kudama hralh a nih erawh chuan Rs. 27.60 zel paih tur a ni thung.