Páwn lam aṭangin ei tur inpek phal loh

Kolasib bawrhsap Dr H Lalthang­liana chuan, June 5, Zirtawpni khan sorkar quarantine facility/centre-a awm­te leh thawktute zawm tur thuchhuah a siam a; páwn lam aṭangin a bika ei leh in tur inpek phal a ni lo tih a puang.

Bawrhsap thuchhuah dan chuan, quarantine facility-a awm mekte zing­ah lungawi lohna leh harsatna nei an awm chuan an room number chiang taka tarlangin security duty-te hnenah emaw, phone-in (whatapps hmangin) emaw sawi ṭhin tur a ni a; ni tin chawhnu dar 2-3 inkarah mi ṭhahnemngaite sum thawh khawm aṭangin ei tur (special snack) sem ṭhin a ni ang.

Quarantine centre-a chaw ningnawi khâwm phal a ni lo a, quarantine sanitation team-in ni tin bawlhhlawh an la khawm ṭhin. Doctor in-charge-te'n ni tin Quarantine Centre an tlawh ṭhin ang a, dam lohna thilah engtik lai pawhin biak theih an ni bawk.

Centre attendant ruat a ni a, chu'ngte chuan eng lai pawhin an vil dawn a; quarantine management team din a ni bawk a, anni hian quarantine-a awmte chungchangah district administration an pui ṭhin dawn a ni.