ASF laka himna atan khapna thupek chhuah

Champhai DC Maria CT Zuali chuan African Swine Fever (ASF) leng mekin ziaawm lam a la pan theih loh avang leh he hrileng laka an district a him theihna atan nimin khan khapna thupek a chhuah tlawhchhanin vawiin khan a hnuaia tarlan ang hian khapna thupek a chhuah.

Thupek zawm lo tu chu IPC Sec. 188 hmanga hrem an ni dawn. He thupek hian chhuah a nih aṭanga thla hnih chhung a huam ang.

Khapna thupekte :
- Champhai district chhungah Myanmar aṭang leh state dang aṭanga vawk, vawksa leh vawksa aṭanga siam reng reng lakluh phal a ni lo
- Champhai district chhungah district dang aṭanga vawk lakluh leh district danga phurh chhuah khap tlat a ni
- Vawk thi a awm reng rengin paih mai loin thuk taka phum zel tur a ni
- Vawk thi rinhlelhawm a awmin mahni bialtu doctor/VFA/CAHW-te hnenah report zel tur a ni
- Vawk damlo hralh emaw talh khap tlat a ni.