COVID-19: Mizoram dinhmun : Hripui vei 600 hmuh belh a ni

August 17, Thawhlehni khan Mizoramah Covid-19 vei mi 600 hmuh chhuah a ni. Nimin khan hripui laka fihlim tawh mi 971 chhuahtir an ni a, hripui vangin mi pahnih a thi.

Covid-19 vei hmuh tharte chu mipa 288 leh hmeichhia 312 an ni a; ZMC laboratory-a hmuh chhuah 90, TrueNAT hmanga hmuh 81, Rapid Antigen Test hmanga hmuh 428 leh Fluorescent Immunoassay (FIA) hmanga hmuh chhuah pakhat an ni.

Hripui vei hmuh thar mi 600-te chu symptom nei 277 leh nei lo 323 an ni a; tualchhunga kái 596 leh tun hnaia state páwn aṭanga rawn lut pali niin, tualchhunga kái zingah kàina chin hriat loh mi 315 an awm.

IDSP record angin, Mizoramah Covid-19 vei 49,950 hmuh chhuah a ni tawh a, mipa 25,866 leh hmeichhia 24,084 an ni. Nimin tlai dar 5 thleng khan mi 41,652 (83.39%) chhuahtir an ni tawh a, mi 186 (0.37%) thi tawhin, enkawl mek mi 8,112 (16.24%) an awm. August 17, Thawh­lehnia sample endik dan chu - ZMC laboratory-ah Aizawl district-a mi 1,147, TrueNAT hmangin district 10-ah 473, RAT hmangin district 11-ah 6,994 leh FIA hmangin Aizawlah 20 a ni a, a vaiin sample 8,634 a ni. Sample endik aṭanga hripui vei hmuh chhuah 600 chu 6.94% a ni a; ZMC-ah 7.84%, TrueNAT-ah 17.12%, RAT-ah 6.11% leh FIA-ah 5.00% a ni.

District hrang hranga hripui vei hmuh chhuah dan chu - Aizawlah mi 312, Kolasib-ah 88, Lunglei leh Lawngtlaiah 49 ve ve, Mamitah 42, Champhaiah 38, Serchhipah pakua, Siahaah pariat, Hnahthialah pathum leh Saitualah pahnih a ni a; Aizawla veng 61 leh khua/hmun dang 43-a mite niin, Lungleia veng 10, Lawngtlaia veng pariat leh Kolasib-a veng pasariha mite an tel.

Hripui vei hmuh chhuah thar mi 60 zingah naupang kum tling lo 160 chuang telin, an zingah symptom nei 60 chuang an awm a, nausén kum khat tling lo pariat an awm. Kum 60 chung lam 40 chuang telin, an zinga 15 velin symptom an nei a, a upa ber chu kum 103 mi a ni. August thlaa ni 17 chhungin Mizoramah Covid-19 vei mi 11,026 hmuh chhuah a ni tawh a, chawhrualin ni tin mi 648.59 hmuh chhuah an awm ang a ni. Mizorama Covid-19 vei hmuh tawh zat 49,950 chu kum 2011 chhiarpui angin, Mizorama mi 1,000 zelah hripui vei mi 45 an awm ang a ni.

Nimin khan tlai dar 5 thlengin hripui laka fihlim tawh mi 971 chhuahtir an ni a; Aizawl district-ah mi 821, Lunglei district-ah 64, Kolasib district-ah 48, Mamit district-ah 20, Lawngtlai district-ah 12, Siaha district-ah pali leh Hnahthial district-ah pahnih an chhuak. Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 12,149 hmuh chhuah a ni tawh a, TrueNAT-PCR hmangin 2,946, RAT hmangin 34,819, FIA hmangin 35 leh Guwahati-ah pakhat hmuh chhuah a ni tawh.

IDSP tarlan danin, August 17, 2021 thlengin Mizoramah swab sample 7,53,872 endik a ni tawh a, chu'ng aṭanga Covid-19 vei hmuh tawh zat 49,950 chu 6.63% a ni. Hripui vei hmuh tawh zinga mi 45,673 chu Mizoram chhunga kái chhâwng an ni a, mi 4,277 chu Mizoram páwn aṭanga an rawn luh hnua hmuh chhuah an ni.