PWD leh NHIDCL hotute CM-in a kâwm

PWD changtu chief minister Zoramthanga chuan nimin khan Cabinet meeting room-ah PWD leh national highway enkawltu NHIDCL hotute a kâwm a; Aizawl khawpui leh a chhehvela kawng siam thar chungchang a sawipui.

Ṭhutkhawmah hian adviser to CM (technical) K Lalsawmvela, additional chief secretary JC Ramthanga, PWD engineer-in-chief Lalmuankima Henry leh NHIDCL hotute an tel a; Sairanga rél lut tur leh lirthei la pung zel tur thlir lâwkin, Aizawl khawpui chhung a tâwt belhchhah loh nan by-pass road siam theih dan remchang a awm em tih an sawiho a ni.