CKṬP Leader leh GS thar

Synod Executive Committee (SEC) meeting vawi 272-na chu February 21, Nilaini aṭang khan neih a ni a; kum 2018-2020 chhunga Central KṬP leader atan Rev.Prof. K Lallawmzuala, Aizawl Theological College-a zirtirtu ni mek leh general secretary atan Rochungnunga, Synod coordinator a ruat.

SEC meeting hi Sy­nod moderator Rev. F. Lal­rin­nunga'n a kaihruai a, member 133 an tel a; nimin khan chhunzawm a nih bakah, vawiinah pawh an ṭhu leh ang.

Synod Secretary report leh Finance report ngaihthlak a ni a; Synod Secertary chuan, SEC 271 leh 272 inkarah Synod Relief Fund aṭangin ṭanpuina Rs. 6,24,000 sem chhuah a nih thu a tarlang.

Tun ṭum SEC-a an thu ngaihtuah tur 37 zingah - India rama Kristiante tihduhdahna hluar zel chungchanga awareness neih chungchang, HIV/AIDS dona kawnga hmalak dan tur, hun puma thawkte zûk leh hmuama inthiar fihlim tura rawtna, secular college din dan turte a tel a ni.