DRDA thawktute an inhmu khawm

All Mizoram DRDA Em­ployees Association (AMDEA) chuan, nimin khan ATI Auditorium-ah general body meeting an nei a, Rural Development minister R Lalzirliana'n a hmanpui.

R Lalzirliana chuan, AMDEA member-te chu mi harsa zawk leh kut hnathawktute nêl ber leh an duhzawng an lamna an nih avangin an hnathawh a pawimawh thu a hrilh a, "Ṭawngkam hawihhâwm taka sorkar pisa dawrtute lo biak ṭhin tur a ni. Kan hna dik leh rinawm taka kan thawh aṭul," a ti.

Lehkha thiam vanga kut hnathawktute hmusit an awm ṭhin thu sawiin RD Minister, "Hetiang thil hi a pawi hle. Kan ram hmasawnna atan kan thiamnate kan hman ṭangkai a ngai a ni," a ti a; tumruhna leh taimakna nena hna thawk turin kalkhawmte a chah.

AMDEA hi August 2016-ah din a ni a, member 117 an awm mek a ni.