Ran humhalhna dan police-te zirtir

Humane Society International (HSI) India chuan, February 21-22 khan Aizawl SP pisa conference hall-ah police officer-te tan India rama ran chungchanga dante inzirtirna hun an buatsaih.

Ni hnih awh tur 'Trai­ning on Animal Law in India for Police Officers in Mizoram' hi HSI-a Mizoram tana coordinator Moriah Hrahsel-in a kaihruai a; police officer 25 telin, dan loa ui leh ran dang Mizorama phurh luh, talh leh ransa taksaa sumdawnna tihtawp ṭul dan te, hmalak dan turte an zirtir a ni.

Mizoram DIG Jo­seph Lalchhuana chuan, Mizoramah ran vulhte tawrhtirna a thlen fo thu sawiin, chumi titawp tur chuan sorkar hnathawkte'n mawhphurhna an neih thu leh, ran humhalh kawnga hriat tur pawimawhte HSI-in an rawn zirtir chu lawmawma tih thu a sawi.

HSI managing director NG Jayasimha chuan, police-te chu nunrâwnna hrang hrang hmachhawntu ber an nih thu sawiin, "He kan programme buatsaih aṭang hian Mizoram police-te'n ran sawisak leh tihduhdah ven kawngah hmasawnna an neih ngei kan beisei," a ti.