NIT-a zirtirtu pakhat chêt dan dem

Mizo Student's Union (MSU) general head­quarters chuan thuchhuah siamin, National Institute of Technology (NIT), Mizorama Civil Engineer zirlaiten an Head of Depart­ment (HoD) lakah harsatna an tâwk niin an tarlang a; pawi an tih thu leh an hriatthiam loh thu an sawi.

MZU chuan, NIT-a Civil Engineer HoD chu zirlaite hmusit leh diriam zawngin a khawsa nia sawiin, an dem thu an tarlang a, "Zirlaite dikna chanvo zahsak lo a, an zirlaia an hriatthiam lohte hrilhfiah duh lo a, an internal mark hmuh zatte a hriattir duh lo hi kan hre­thiam lo tak zet a ni," an ti.

MSU hian NIT Mizo­rama Civil Engineer HoD chu zirlaite laka a chet dan avanga hrem a nih theih nan leh NIT Mizoram aṭanga a chhuah theih nan Ministry of Human Resource Development (MHRD)-ah thlen an tum thu an tarlang a ni.