Hnahthialah tanker a kâng

Nimin chawhnu dar 2:20 vel khan Hnahthiala MIZOFED petrol pump-a petrol dah tur tanker pakhat a kâng a, scooter pahnih an kâng tel.

Hnahthial aṭanga thu dawn danin, tanker MZ-05 8338 hi R Ṭhasiama, Zonuam, Aizawl ta niin, February 22 tlaiah petrol phurin Hnahthial a thleng a, pump tanky-ah thun nghal loin, a ding rih a ni. Nimin khan a petrol phurh chu a ṭhat leh ṭhat loh endik tura an lak chhuahna lamah a kâng ta niin pump manager C Lalhualhima chuan a sawi.