Covid-19 chungchangah CKṬP-in thuchhuah siam Kumpuan film 'Hnehtu' tlangzarh hun sawn

Coronavirus darh zel chungchangah Central Kristian Ṭhalai pawl (CKṬP) chuan thuchhuah  siamin March 17 leh April 15 inkara CKṬP leh Synod Choir kal chhuahna tur zawng zawngte chu ṭhulh a nih thu an tarlang.

Kumpuan film 'Hnehtu' tlangzarh hun tur pawh an tikhawtlai a, March 24 aṭanga chhuah ṭan tura ruahmanna an siam vek tawh chu April 21 aṭangin an chhuah ṭan dawn a ni. Film chhuah ṭan hunah hian booking senior dan indawtin an chhuah dawn tho a ni.

Branch inkhawm leh Branch malin fellowhsip emaw ṭawngṭai inkhawm an neih ṭhin neih leh neih loh tur erawh Branch mal thuneihnaah an dah a, punkhawmna lam thil- sports, blanket suk etc.-te chu huaihawt rih lo turin thuchhuah an siam bawk.