15th. FC-in workshop a buatsaih

15th. Finance Commi­ssion chuan tun hnai khan Consultation & Workshop, New Delhi-ah an buatsaih a, Finance secretary Lalmalsawma, joint secretary Lalhming­mawia Sailo leh under secretary C Lungmuan­puia te an tel.

Mizoram aṭanga telte hian Mizo­ram dinhmun leh 15th. Finance Commi­ssion ngaih pawimawh atana an duhte an sawi.

Finance Secretary chuan, Mizoramin rural local bodies grant pek ngei a mamawh thu te, GST aṭanga sum hmuhin beisei a phak loh dan te, National Disaster Mitigation Fund siam a ṭul thute leh Revenue Deficit Grant kan mamawh nasat thute a sawi.

15th. Finance Commi­ssion-ah hian chairman NK Singh bakah mem­ber dang pali an awm a; kum 2020-2025 chhunga sorkar laipui leh state sorkarte sum insem dan turah rawtna (recommendation) an siam dawn a ni.