MLA-in Darzokai lei a tlawh

MNF MLA Lalruatkima chuan Inrinni zing khan Chhimtuipui Darzo kai lei a tlawh a; lei chhuat atana hman thing phelte a ṭha tâwk tawh lo a, thlak a ngai tawh hle niin a sawi.

Lalruatkima chuan, Darzokai leiah chet­sualna a thlen loh nan lei chhuatte thlak thuai ṭha a tih thu sawiin, "Lei hrim hrim hi a him tâwk leh him tawk loh vil uluk ni se a ṭha hle ang," a ti a; lei chu December 19, 2016-a hawn chauh a nih laia tuna hman hleih theih loha a awm chu mak a tih thu a sawi bawk.

Lalruatkima hian Inrinni vêk khan UDPA department sum hmanga Hnahthial Electric Venga hall sak, kum 2014-a sak zawh tawh, tun thlenga hman theih loha la awm chu a tlawh bawk a, "He hall, cheng nuai 100 chuang senga sak, kum thum lai mai a awm ṭáwl hi a pawi hle. Bialtu MLA pawhin hawn tlak loa ngaiin tun thlengin hawn a la ni hi a pawi hle. Hawn a nih hma hauha thawm ṭhat nan cheng nuai 15 hman leh mek a nite hi a mak hle a ni," a ti.

MLA Lalruatkima hian Keiṭum Indoor Stadium, kum li vel kal taa sak zawh tawh, hman tlak loha dah ṭâwl pawh a tlawh bawk a ni.