Lawngtlaiah Bawlhhlawm bâwm sem

Swachh Bharat Mission (Urban) hnuaia hmalakna péng pakhat atan UDPA department chuan Inrinni khan Lawngtlai khawpuia veng hrang hrangah bawlhhlawh bâwm an sem.

Bawlhhlawh bâwm semna inkhawm hi DC Dr Arun T-in a kaihruai a; khuallian, Lawngtlai East bialtu MLA H Zothang­liana chuan, Lawngtlaiin faina kawnga hma a sawn theih nana thawktute hmalak a fak a, "Swachh Bharat hnuaia bawlhhlawh bâwm sem hmasa ber district kan ni thei hi a lawmawm hle. Faina kawnga hmalaknaah a theihna apianga tel ve zel ka inhuam a ni," a ti.

LADC chief executive member T Zakung­a chuan, Lawngtlai khawpui chu faina kawng­ah chak takin a tlan mek a ni tih hmuh theiha a lan thu sawiin, "Mipui pawh an harh chho mek a ni," a ti a; bawlhhlawh bâwm sem chu a nihna tur taka ṭangkai taka hman a nih a, uluk taka enkawl zui a nih a beisei thu a sawi.

Bawlhhlawh báwmte hi Lawngtlai khawpuia V/C 12 hnenah panga ṭheuh pek a ni a, faina kawnga hma la ṭha zual veng palite chu panga ṭheuh pek a ni thung.