Tuirini lei chim pawi ti

Aizawl North-III Block Congress Committee-te chuan resolution siamin, February 13, 2018-a Tuirini lei dawh lai a chim chu hrilhhai thlak an tih thu an tarlang a, "HC Lalfakzuala, Sesawngin nunna a chán phah hi pawi kan ti a, a chhungte kan tawrhpui tak zet. Hliam Laltleipuia Hmar pawh a ṭhat chhuah leh thuai kan duhsak a, a inenkawlnaah ṭanpui turin kan inpeih reng a ni," an ti.

Tuirini lei chim chu opposition party ṭhenkhatin lo hlimpui an tum nia sawiin Aizawl North-III Congress chuan vanduaithlak an tih thu an tarlang a; lei chim vanga PWD minister Lal Thanzara, Aizawl North-III bialtu MLA báng tura phûtna a awm chu âwm lo an tih thu an tarlang bawk.