Lalremsiami hmuah dan tur sawiho

Sports minister Robert Romawia Royte, Mizoram State Sports Council (MSSC) president ni bawk hoin August 18, Nilaini khan Aijal Club-ah MSSC General Body Meeting neih a ni a, Tokyo Olympic-a India hmeichhe hockey player Lalremsiami hmuah dan tur an sawiho. Lalrem-siami hi August 25, 2021 khian Mizoramah a lo thleng dawn a ni.

Sports & Youth Services department-in Mizorama infiamna tihchangtlun nan cheng nuai 20,000 velin hma a la mek tih sawiin Robert Romawia chuan, "Sports tihchangtlun nan state sum ringawt hmang loin Khelo India leh thil dang aṭangin sum hmuh a ni," a ti a; Olympic atan hmathlir ṭha tak neih a ṭul thu leh chumi tihlawhtling tur chuan India sorkar a inhawn zauh thu a sawi.