Pranab Barua Award hlan

Lemziak thiam Tlang Rokhuma chu Febuary 25, 2018 khan Guwahati-ah fine art lama chawimawna sang, Pranab Barua Award 2017 hlan a ni a; kutchhuak hrang hrangte thlirho nghal a ni. Chawimawina hian Rs. 25,000 a keng tel a ni.

Thu dawn danin, award hming putu Pranab Barua hi Assam artist hmingthang niin, fine arts lama sûlsutute zinga mi a ni a, kum 2002 khan kum 68 mi niin a thi.

Amah hriatreng nan Pranab Barua Award hi kum 2003 aṭangin buatsaih a ni a, India hmarchhak bial chhunga painter leh sculptor ṭhate hnenah hlan ṭhin a ni.

Pranab Barua Award hi buatsaih ṭan aṭangin mi 15 hnenah hlan a ni tawh a, Tlang Rokhuma hi award dawngtu 16-na niin, Mizo zinga dawng hmasa ber a ni.