Kawlphetha man tihsan rawtna MPC party-in a âwm an ti

MPC party chuan thuchhuah siamin, Mi­zoram sorkarin kawlphe­tha hman man tihsan rawtna JERC-a an thlen chu âwm an tih thu an tar­lang a, "Mizoram sum lak luhna ṭha ber kawlphetha siam kan ngaihthahzia leh sorkar kal tawh leh hrawn mek inthlahdahzia a tilang chiang hleah kan ngai," an ti.

MPC chuan, Mizo­ramin kawlphetha siamna remchang leh ṭha tak a neih laia kawlphetha lei nan kum khatah cheng vbc. 300 vel hman a ngai ṭhin chu zahthlak hlea an ngaih thu an tarlang a; kawlphetha hman man atana sum pek tawhte chu hmasawnna hna thawh nan hmang zawk theih ni se an duh thu an sawi.

Mizoram hmun tinah ṭangrual pawl, Zoram Peoples' Movement (ZPM) boruak a ṭha zel nia sawiin MPC chuan lawmawm an tih thu an sawi a, "Kan ram tluchhe mek tungding tura hmalakna hi chak taka a kal zel theih nan, Zoram hmun hrang hranga MPC party mi leh sate lo tel a, thawk zel turin kan inchah a ni," an ti.

MPC party office bearer-te chu nimin khan an pisaah senior vice pre­sident Vanlalhlana kaih­hruaiin an ṭhukhawm a, kumina Assembly inthlan tur thlirin, thuchhuah hi an siam a ni.