AR-in Motivational Tour an buatsaih

46 Assam Rifles chuan February 19-25 chhung khan, Mizo Zirlai Pawl (MZP) member 30 tan Motivational Tour 2018 a buatsaih a, Silchar, Shillong leh Guwahati-te an tlawh. Tour hi Mizo ṭhalaite’n an ṭhenawm state-te an hriatchian nan leh an tlangnêl nana buatsaih a ni.

Motivational Tour hi February 25 khan 46 Assam Rifles, Aizawlah khârna hun hman a ni a; he hunah hian zirlaite'n Tour chu an hlâwkpui thu leh tour buatsaih chhunzawm zel ni se ṭha an tih thu an sawi.

Zirlaite hi Assam Rifles additional director general Maj.Gen. RK Gupta chuan hmarchhak state hrang hrang hmasawnna tur leh ralmuang taka a awm theihna tura an hmalaknate a sawipui a ni.