RSS hotuin Hindu-te ṭangrual turin fuih

RSS hotu Mohan Bhagwat chuan India chauhin khawvel chu kawng dik a kawhhmuh thei a ni tiin, hemi atan hian Hindu-te chu an ṭanrual a ngai tih a sawi.

Pathianni-a Uttar Pradesh-a 'Rashtroday Sammelan' hmannaa thu a sawiah, RSS hotu chuan ram tan mitin an ṭanrual a ngaih thu a sawi. India ram inpumkhatna tihchhiat tuma beihna leh phiarna hrang hrangte pawh a la awm zel dawn a, mahse hemi bei let tur hian ram mipuite chu an lungrual a ngai a ni, a ti. He hunah hian union minister leh state minister eng emaw zat an tel a ni.

Bhagwat chuan Hindu-te chu pumkhat an ni a, lungrual taka awm chu an tihtur a nih thu a sawi. An inpumkhat tlat chuan harsatna awmte pawh an paltlang theih zel tur thu a sawi. RSS worker-te chu fakin, tun hnaiah mi 1,70,000 chuang chu khawtlang rawngbawlnaa thawk turin an inpe a ni, a ti.