MYC Chairman-in tlawh

Mizoram Youth Commission (MYC) chairman Joseph Lalhimpuia chuan nimin khan MYC Training Hall-a Jet Airways Cabin Crew Pre-Recruitment Training nei mekte tlawhin, taima tak leh rinawm taka training nei turin a chah.

Joseph Lalhimpuia chuan, "Mizote chu kan pi leh pute hun lai aṭanga mi taima leh rinawm kan ni a, hei hi ṭhalaiten kan vawng nung zel tur a ni," a ti a, state pawnah leh India ram pawn thlenga Mizoram ṭhalaiten lehkha an zira hna pawh an thawh theihna turin MYC chuan kawng a zawnpui tur thu a sawi.